Du kan søka til kommunen om redusert pris.

Austevoll kommunestyre har vedteke at SFO i Austevoll skal følgje nasjonale føringar for redusert foreldrebetaling. 

1. Ingen familiar skal betale meir enn 6 % av den samla inntekta for ein SFO plass.
   
   Utrekningsgrunnlag for fastsetting av inntektsgrensa: (Vedteken foreldrebetaling *10 betalingsmånader/6*100)
   
   Familiar med samla inntekt under inntektsgrensa får generert foreldrebetaling differensiert ut frå inntekt. Familiar med samla inntekt over inntektsgrensa betalar vedtekne satsar for foreldrebetaling
    
2. Redusert foreldrebetaling gjeld for elevar på 1.-4. trinn.

Hushaldninga si samla skattbare person- og kapitalinntekt skal leggast til grunn. Inntekta må dokumenterast med siste tilgjengelege Skattemelding (ikkje skatteoppgjer).

Dersom det er endringar i beløp frå siste skattemelding eller eit beløp manglar i skattemeldinga, er du som søkar pliktig til å opplysa og dokumentera dette når du søker. Søknaden gjeld for maksimalt eit skuleår om gangen.

• Gratis SFO for elevar på 5.-7. trinn med særskilte behov.

Ingen familiar betaler meir enn 6 % av inntekta til SFO. Inntektsgrensa 447 000 kroner.

Foreldrebetalinga skal reknast ut frå hushaldet si samla skattepliktige kapital- og personinntekt.

Som eit hushald blir rekna ektefeller, registrerte partnarar og sambuarar.

Som sambuarar blir rekna:

• to ugifte personer over 18 år som bur saman, og som har budd saman i eit ekteskapsliknande forhold i minst 12 av dei siste 18 månadene
   
• eller har felles barn

Bur eit barn fast hos begge foreldra, skal foreldrebetalinga reknast ut frå inntekta i hushaldet der barnet er folkeregistrert.

Vilkår

Familien må vera busett og folkeregistrert i Austevoll kommune.
Inntekter må dokumenterast med skattemelding eller annan dokumentasjon på skattepliktig kapital- og personinntekt.

I haust- og vinterferie og etter skuleslutt i juni fram til 30. juni og frå 1. august til skulestart blir det ikkje krevd ekstra betaling for barna som har vedtak om redusert foreldrebetaling.

Familien må betala kostpengar.

Det er 10 betalingsmånader i året.

Les meir om dette i forskrift til opplæringslova

Søknad om redusert foreldrebetaling i SFO

Det er lurt å finna fram fødselnummer for alle føresette og barn og lasta ned skattemelding for siste år før du startar utfylling av skjemaet.
Du må fyll ut fødselnummer (11 siffer) på barn og vaksne i hushaldninga.

I søknaden må du legge ved skattemeldingar og annan dokumentasjon på inntekt for alle vaksne i hushaldninga. Alternativt kan du sende dette per brev til Austevoll kommune, Birkelandsvegen 2, 5392 Storebø så raskt som mogleg etter at søknad er sendt inn.
Du kan også du sende dokumentasjon til kommunen her.

Dersom det er endring i inntekt som ikkje kjem fram i skattemelding, må du dokumentera denne endringa og forventa inntekt framover. Denne dokumentasjonen kan også lastast opp/sendast inn.

Hugs at også enkelte ytingar frå NAV er skattepliktige og skal dokumenterast.

Dokumentasjon er siste tilgjengelege skattemelding frå siste år. (Heile skattemeldinga)

Er det vesentlege endringar som ikkje syner i skattemeldinga, skal du legga ved annan dokumentasjon som:

• For arbeidstakarar: arbeidsinntekt/kopi av lønslipp.
• For sjølvstendig næringsdrivande: stadfesting frå rekneskapsførar/revisor på venta inntekt.
• For arbeidsledige: kopi av siste utbetaling frå NAV.
• For studentar: kopi av studentbevis – stadfesting av studieplass.
• Ev. annan relevant dokumentasjon.

Som personinntekt vert rekna:

• Ytingar frå NAV
• Sjukepengar eller arbeidsavklaringspengar
• Uføretrygd
• Dagpengar
• Stønad som einsleg forsytar
• Etterlattepensjon

Som kapitalinntekter vert rekna:

• Fast eigedom
• Renteinntekter, fonds- og aksjeutbyte
• Gevinst ved sal av eigedom og lausøre
• Andre inntekter
• Leigeinntekter

Dokumentasjonen må ikkje vera eldre enn 1 månad. Hushaldningar med vedtak om reduksjon i foreldrebetaling pliktar å melda frå om endringar i den økonomiske situasjonen. Endringane kan ha konsekvensar for vedtak som er sendt ut.
 

Søkar kan legge fram annan dokumentasjon for inntekt, eller søke undervegs i året dersom det er ei vesentleg og varig endring i inntekta til hushaldet. Med vesentleg og varig endring i inntekt er det meint stort inntektstap som følge av langtidsarbeidsløyse, endring i hushaldet si samansetting eller liknande.

Dette kan bety at nokon kan få rett til reduksjon i foreldrebetalinga i løpet av skuleåret fordi hushaldet si sammensetting blir endra. I slike tilfelle tek kommunen imot søknader undervegs i året, men i dei fleste tilfelle framleis med skattemelding som dokumentasjon.

Det kan også vera slik at inntekta på skattemeldinga ikkje gjenspeglar inntektssituasjonen slik den er inneverande år. Dette kan vere klart allerede når skuleåret startar i august, eller det kan skje ei endring i inntektssituasjonen undervegs i skuleåret. Det blir då føreteke ei skjønsmessig vurdering av kva dokumentasjon som trengst og korleis foreldrebetalinga skal reknast ut, på lik linje som ein vurderer inntekt  for dei som ikke har skattemelding. For dei som får ei vesentleg og varig endring i inntekt underveg i skuleåret, vil kommunen ta imot søknader fortløpande.

Opphald i haust-og vinterferie, jule- og påskeferie, siste veka i juni og vekene i august før skulestart, må føresette søka om.
Gebyr ved for sein henting er kr 250.- per påbegynt time.
Betaling vert fakturert på etterskot.
Det er 10 betalingsterminar og det blir sendt ut faktura i september til og med juni med forfall månaden etter.
Ved spørsmål om betaling og faktura i SFO, ta kontakt med leiinga ved skulen.

Barn med vedtak om redusert foreldrebetaling, får rett til å bruke SFO i feriar utan ekstra kostnad. Gratis SFO for elevar på 5.-7. trinn med særskilte behov. SFO er stengt i feriar dersom det er færre enn 10 barn som har meldt seg på. Sjå meir informasjon i vedtektene.
 

Austevoll kommune tar ei skjønsvurdering ved fastsetjing av foreldrebetaling.

Vedtak blir gjort for eitt skuleår om gongen og vil gjelde frå første heile månad etter at  søknaden er motteke. Vedtaket har elles ikkje tilbakeverkande kraft.

Sakshandsaming og klagerett er i tråd med krav i forvaltningslova.

I ferietida kan det ta noko lenger tid å få svar på søknad.

§ 1B-3.Gratis skolefritidsordning for barn med særskilde behov på 5.–7. årstrinn

Kommunen skal ha eit tilbod om skolefritidsordning for barn med særskilde behov på 1.–7. årstrinn, jf. opplæringslova § 13-7 første ledd. Tilbodet på 5.–7. årstrinn skal vere gratis. Kommunen kan likevel krevje betaling for kost.

Som forelder har du krav på frådrag for dokumenterte utgifter til barn i SFO som du bur saman med.

Austevoll kommune er pliktig til å rapportera inn betaling for SFO opphald til Skatteetaten.
Innrapportert beløp for SFO kan du sjå som førehandsutfylt beløp i skattemeldinga i post 3.2.10.

Skatteetaten har meir informasjon om reglar for skattefrådrag for barnepass