Søknad om fritak for feieavgift

Det er eigar av bustaden sitt ansvar å sørge for sikker adkomst til og på taket. Er feiaren avhengig av løs stege for å kome opp på taket, skal eigar sørge for at stege er tilgjengeleg.

Feiaren skal vurdere forhold ved fyringsanlegget som har betydning for brannsikkerheten eller tilkomst. Ved avvik som ikkje kan rettast på staden, skal feiaren gi eigar ei skriftleg tilbakemelding med frist for å rette eller frist for å gi tilbakemelding om når retting blir utført. Tilsynsmynde kan gi nødvendige pålegg dersom dette ikkje skjer.

Er du ikkje nøgd med dei tenestene feiartenesta utfører, ta kontakt med kommunen. Formannskapet er klageinstans for vedtak som er gjort av brannsjefen. Send klage til Austevoll kommune.

Du får til vanleg sms-varsling om feiing eller tilsyn nokre dagar før. Viss tidspunktet ikkje passar, kan du avtale eit nytt tidspunkt med feiaren.

Om det ikkje er klargjort for feiing (at du ikkje er til stade eller stige ikkje er lagt fram) vil ikkje feiinga bli utført. Du må rekna med å måtta bestilla og betala for ekstrafeiing (viss du vurdera det som naudsynt). Ta kontakt med feiaren snarast mogleg om du har fått melding om at feiing ikkje vert utført!

Sjå meir informasjon i eksterne lenker:

Veiledning til forskrift om brannforebyggende tiltak og tilsyn
Lov om vern mot brann, eksplosjon og ulykker med farlig stoff og om brannvesenets redningsoppgaver (brann- og eksplosjonsvernloven) § 11 Brannvesenets oppgaver
Forskrift om stillaser, stiger og arbeid på tak m.m.
Forskrift om brannforebyggende tiltak og tilsyn